revolutschon-in-rixdoerp-01 Heini-mutt-heiraten-2012-22 uns-rieke-tant-utt-frankriek-13
Theaterstücke Darsteller Fotogalerie

Leev Theaterfrünnen,

siet 1980 bestaht nu de Holtgaster Theaterspölers. Wor sünd bloot de Johren bläven? Uns kummt dat vör, as wenn dat erst güstern weer, as wi in de domalige School Esens-Land ant Schaaphuser Weg mit de Eanakter „Klaas hett Glück“, to een abendfüllend Programm van de Volkstanzgrupp biedragen hebbt. Un dat hett all de Mitspölers glieks sovöl Spass makt, dat int´t nächste Johr mit Sketche, un 1982 mit de Tweeakter „ Dat Stadtfrollein“ wiedermakt wurr. Denn kweem 1983 bi dat 75-johrig Jubiläum van uns Klootscheeterverein een Dreeakter ran, un so geiht dat nu all de Johren, bit vandag.
Dat heet aber ok, dat siet 1980 uns Bühnenmiglieder de plattdütsche Spraak un dat plattdütsche Theater pflegen, denn dat uprecht to erhollen is uns gröst Anliggen.
De jung Lü de uns funnen hebbt sünd säkerlich de Garantie dorför, dat ok in Tokunft dit Kulturgood in Holtgast wiederhenn Bestand hett.
Besünners bedanken mutt wi uns aber bi uns Tokiekers, de uns all de Johren treu bläven sünd. Un immer kaamt weer nee Tokiekers dorto, dorünner ok völ jung Lü, wat de beste Bewies dorför is, dat uns plattdütsch Theater lävt.
Wi hapen, dat sück ok in Tokunft Interessenten finden, de Spass an`t Theaterspölen hebbt, un ok de plattdütsche Spraak wiederhenn pflägen dot, denn dat sünd wi uns ostfreeske Heimat schuldig.

Jo Holtgaster Theaterspölers
-Helmuth Ihnen-